GÆÐASTEFNA

Það er stefna Meitils GT Tækni ehf. að tryggja ánægju viðskiptavina okkar, rétt gæði vöru og þjónustu er  grundvallarmarkmið í starfsemi Meitils GT Tækni ehf. og öllum starfsmönnum fyrirtækisins ber stöðugt að hafa  það að leiðarljósi í daglegum störfum sínum. 

Réttum gæðum er náð með því að vinna skipulega og að stöðugum umbótum á öllu verklagi í fyrirtækinu.  Markmiðið er að sérhvert verk sé rétt unnið, á öruggan og hagkvæman hátt og með umsömdum gæðum strax í  upphafi.

Til að samræma og staðla verklag er beitt verklagsreglum og vinnulýsingum. Yfirmenn í fyrirtækinu eru ábyrgir  fyrir því að safna saman og skjalfesta verklag og vinnulýsingar, hver á sínu sviði. Þeir eru einnig ábyrgir fyrir því  að verklagsreglum sé framfylgt og að verklag og ferli, sem undir þá heyrir, sé endurskoðað reglulega og að unnið  sé að stöðugum umbótum. 

Það er á ábyrgð aðalstjórnenda fyrirtækisins að sjá til þess að gæðakerfið sé virkt á öllum stigum starfseminnar  og að það sé endurskoðað reglulega svo það endurspegli gæðastefnu og hugsunarhátt í fyrirtækinu og meðal  viðskiptavina þess á hverjum tíma. Fylgja og fara eftir opinberum kröfum sem gerðar eru til reksturs fyrirtækisins  hverju sinni. 

Til að ná markmiðum gæðastefnunnar mun Meitill GT Tækni ehf. sjá starfsfólki fyrir þjálfun og endurmenntun  og leggja til þann tækjabúnað sem þarf. Gæta hagkvæmni í starfseminni og fylgja og fara eftir opinberum kröfum  sem gerðar eru til reksturs fyrirtækisins hverju sinni. Skipulagi því og verklagi sem beitt er í fyrirtækinu til að  tryggja viðskiptavinum umsamin gæði er lýst í gæðahandbók fyrirtækisins.